Yby Yau tasyo oguerekóma tenda prevención cardiovascular-rã

 Agencia IP.- I Región Sanitaria Concepción rehegua oguerekóma peteĩ consultorio oñeñangareko ha ojejoko hag̃ua korasõ mba’asy, opytáva Yby Yau tasyópe. Umi hasýva hipertensión arterial, diabetes, insuficiencia cardiáca ha trastorno ritmo cardíaco-gui ikatúma oho hikuái ojejapoka electrocardiograma ha ogueraha hag̃ua pohã.

Ko consultorio-pe oñemba’apóta lunes guive viernes peve, 07:00 aravo guive ha 13:00 aravo peve. Umi tapicha oho voivéva oñeñatendéta hesekuéra peteĩha. Umi oikuaama oguerekoha mba’asy crónico korasõgui ikatu ojejapoka electrocardiograma, ha’éva tuicha mba’e ojeikaa hag̃ua hasy ramo térã oñeñangareko hag̃ua hipertensión térã arritmia.

Ko mba’e oñepyrũva ha’e peteĩ ñeha’ã ojejapóva oñeñangareko porãve hag̃ua umi oikotevẽvéva.