Ojejapopátama tape ojeike hag̃ua comunidad indígena Yakye Axa-pe

Mba’apohára kuéra MOPC, INDI ha empresa contratista Consorcio Rutas del Norte rehegua oñemongeta kuri hikuái umi líder comunidad Yakye Axa rehegua. Oñe’ẽ kuri hikuái umi tembiapógui ojeike hag̃ua ikatútava ojoaju tape guasu ndive.

Ojejapo kuri peteĩ aty pe jueves 23 ohasávape, ha upépe oñembohovái porandukuéra oñemotenondévo tembiapo, avei omoñe’ẽvo acta de entrega de trabajo ofirmava’erã hikuái oñemohu’ãvo tape pyahu ojeike hag̃ua.

«Che parte-gui, ndaha’éi ha’éva tendota ramo, ha katu peteĩ túva ramo peteĩ familia-pe rojehovasaha roguerekógui peteĩ tape. Rohecha mba’éichapa okakuaa tembiapo ha tuicha mba’e oréve g̃uarã, ore rembipota ha’égui oiméne ary pahápe roguerekóta tape oñemohu’ãva», he’i tendota Aníbal Flores aty rire.

Ko delegación MOPC-pegua oime kuri umi representante UEP -CAF-gua, odependéva Dirección de Vialidad, Dirección de Gestión Socio Ambiental (DGSA) ha umi representante Unidad de Ejecución de Proyectos CAF (UEP-CAF)-gua.

Fallo Corte IDH rehegua
Ko actividad informativa oñemohenda omoañetévo Sentencia de Fondo, Reparaciones y Costas oñemoherakuãva 17 de junio 2005 jave Corte Interamericana de Derechos Humanos (Corte IDH) káso No 12.388/218 «Comunidad Indígena Yakye Axa del Pueblo Enxet vs. Paraguay».

Ko fallo, sexto punto-pe, Corte Interamericana omopyenda «Estado ohechakuaava’erã territorio tradicional umi miembro comunidad indígena Yakye Axa ha omoguahẽva’erã chupekuéra gratis«.

Péicha avei, décimo punto upe fallo-pe voi, Corte Interamericana he’i «Estado oadoptava’erã Léi nacional-pe (…), medida legislativa, administrativa ha oimeraẽva medida oñeikotevẽva omoañete hag̃ua goce derecho orekóva umi miembro ypykuéra mba’e rehe».

Avei, Corte Interamericana oñe’ẽ considerando 11-gui pe resolución orekóva oñatende hag̃ua cumplimiento fallo 24 de junio 2022 he’íva «aceptación comunidad indígena Yakye Axa (…) yvy alternativa ha’e condicional omopu’ãvo acceso vial chupekuéra», omotenondévo umi mba’e ome’ẽva’ekue upe tribunal-pe, umi resolución orekóvape ojesarekóva cumplimiento sentencia 24 de junio 2015 ha 14 de mayo 2019.