Mba’asy Po’i Ára: Tesãi ha Teko Porãve oporomandu’a jehechakuaa ha ñembohovái ndojepagái

Kuehe oñemomandu’a kuri Mba’asy Po’i Ára, ha Tesãi ha Teko Porãve (Mspbs) oporomandu’a jehechakuaa ha ñembohovái ko mba’asy ndojepagái hína umi tasyópe.

He’i avei hikuái ary 2023-pe, hetave 4.000 yvypóra ojehecha oreko kuri mba’asy po’i ñane retã pukukuépe.

Ko ary marandu ha’e hína “Ikatu ñamohu’ã mba’asy po’i”.

Kóa ha’e peteĩ mba’asy ovakuaáva, omoheñóiva bacteria Micobacterium tuberculosis ha ojapo vaivéva ñane pulmón-pe, térã avei ikatu ojapo vai ambue órgano ñane retépe.

Mba’asy po’i ikatu ova yvytu rupive reñe’ẽro, nde hu’uro ha repurahéi ramo.

Nde hu’u ramo ha ohasáma 15 ára pukukue, ikatu reguereko mba’asy po’i. Ikatu avei reñepyrũ neakãnundu, pecho hasy, nde pila’i ha nde piruve. Rehecha ramo ko’ã mba’e, reho arã pe tasyo hi’aguĩvéva ndehegui.

Opavave ikatu jaguereko ko mba’asy, hakatu mitãnguéra, umi tapicha ipiruitereima, inmunocomprometido (diabético ha umi orekóva VIH), ojehechaukave oguerekógui.

Ko mba’asy pya’eve okuera ko’ãgã, ojeipuru haguére mba’e pyahu. Upéicha, umi hasýva ojapopa ñepohano 6 jasýpe, ha mboyve katu 24 jasýpe ojejapopa. “Romba’apo hína ikatu hag̃uaicha umi yvypóra okuera pya’eve”, he’i pohãnohára Aguirre.