Kuñanguéra ikatúma ojerure iturno-rã ojejapoka hag̃ua PAP ha mamografía Paraguaýpe

 Agencia IP.- Clínica de Tumor «María y Josefa Barbero» oikuaaka kuñanguéra ikatúma ojerure turno ojejapoka hag̃ua PAP ha mamografía, ikatu hag̃uaicha ojeikuaa ojeguerekópa cáncer. Ko’ã ndojepagái.

Pohanohára Bruno Peña, omotenondéva upe tasyo, he’i kuri umi ojerureséva iturno-rã ikatu oho upépe, opytáva tape Andrés Barbero ha Manuel Gondra ári, táva Paraguaýpe, térã ikatu ohai WhatsApp-pe (0986) 124 885 ha (0984) 687 904, ha ohechauka arã icédula.

• Mamografía ojejapo martes, jueves ha viernes 06:00 guive 12:30 peve.
• Papanicolau ojejapo lunes guive jueves peve, 07:00 guive 13:00 peve. Viernes katu ojejapo 06:00 guive 18:00 peve.
• Mastología ha ecografía mamaria ojejapo miércoles ha viernes 06:00 guive 17:00 peve.

Opavave kuña omba’apóva oreko mokõi ára permiso peteĩ arýpe ojejapoka hag̃ua PAP ha mamografía, ha ndojedescontái arã

Léi 3803/09 he’i umi kuña omba’apóva oñeme’ẽ arã día libre ojejapoka hag̃ua PAP ha mamografía, ha Léi 3.803/2009 he’i ojeguerekoha 1 guive 2 peve ára peteĩ arýpe. Ko’ã ojejapo arã he’iháicha umi Léi, ha ojepaga arã avei.

Ojeikuaase ramo, ikatu oñehenói 021 729 0100 (interno 551 térã 552), ojehai correo electrónico-pe ha’éva [email protected], ha avei ikatu oho Dirección General de Promoción a la Mujer Trabajadora MTESS rendápe, opytáva tape Herrera ha Paraguarí ári.