Empresario Corea-gua oguerahase ryguasu py Paraguáire

 Agencia IP.- Empresario Nino Ha he’i omba’apo hína ogueraha hag̃ua ryguasu py Paraguáire Corea-pe. He’i heta oñeikotevẽ ko producto upépe, oñemomba’eguasu oguereko haguére ñande pire ojapo porãva, ha’eháicha colágeno.

“Corea-pe oñeikotevẽ hína 1.000 tonelada ryguasu py, hakatu ndojeproduci jepénte Paraguáipe pe cantidad. Ikatu ramo jahecha ojehupytývo peteĩ monto interesante”, he’i Nino Ha peteĩ programa hérava Tribuna, ojetransmitíva Paraguay TV-pe.

Ryguasu py oreko heta colágeno, oipytyvõva ore pire ha kangue oĩ porã. Avei, oreko heta vitamina ha mineralkuéra, ha’ehaicha vitamina B12, hierro ha zinc.

Corea del Sur-pe, rygyasu py ojejapo picante-ndi ha tatapỹihũ jeipuru. Ha’e peteĩ tembi’u ojeguerohorýva umi karurenda tuichavévape. Ha omba’apo avei ojeraha hag̃ua ambue Paraguái oproducíva Corea del Sur gotyo, ha’eháicha vaka ro’o, oñeha’ãrõva ijabilitación.

Tatapỹihũ ojejapóva Paraguáipe

Peteĩ mba’eapopyre Corea del Sur oipotáva ha’e tatapỹihũ. Ko’ãga, Paraguái oexporta tuicha hína. Ary 2024-pe oñeguahẽse 100 tonelada jasýre. Kóa he’ise 1.200.000 kilogramo tatapỹihũ ojejapóva Paraguáipe oñemondota Corea-pe.

“Che aipota oje’uve Paraguái producto kuéra Corea-pe. Heta oĩ ndojeikuaaíva Paraguái rehegua”, he’i empresario Corea-gua.

Nino Ha omomandu’a hína oho haguére peteĩ feria Corea-pe, ohechauka ramo pe tatapỹihũ ojejapóva Paraguáipe, «Opavave ou ohecha, ndoha’ãrõi hikuái oikuaávo tatapỹihũ oĩva karutendápe ikatu ojejuhu Paraguáipe», he’i.

Nino Ha oguerovia coreano-kuéra oikuaavévo producto Paraguáigua, hetave demanda oĩtaha ñandéve g̃uara. “Ojehejáramo so’o Paraguáigua oike Corea-pe, heta oikéta. Corea del Sur-pe hepyetereíva vaka ro’o ha oikévo ko tembi’u, heta coreano kuéra oipotáta ojogua so’o Paraguáigua”, he’i.