Radio Nacional Paraguaigua ogueromandu’a 82 ary

Agencia IP.- Radio Nacional Paraguaigua oguerovy’a ko árape 82 ary oiko haguére. Mburuvichavetẽ Santiago Peña ha umi tendota, motenondehára ha mba’apohára kuéra medio del Estado rehegua ombovy’apavẽ ko radio.

«Amondo peteĩ añuã ñane irũnguéra Radio Nacional-pe g̃uarã, ha’éva peteĩ símbolo ñe’ẽkuaamyasãi Paraguáipe», he’i Peña peteĩ video-pe ohechaukáva redes sociales rupi. «Ha’e peteĩ ñe’ẽ og̃uahẽva opavave tapicha Paraguaigua ñane retã ryepýpe ha tetã ambueguápe».

Radio Nacional Paraguaigua, 920 AM, oñepurũ omba’apo ary 1942-pe, ha ha’e peteĩva umi medio de comunicación itujavéva ñane retãme. Ko’ág̃a omba’apo Ministerio de Tecnologías de la Información y Comunicación (Mitic) tutela poguýpe.

Ko emisora oreko ambue programa AM ha FM-pe. AM-pe ojekuaauka omyasãi marandu 24 aravo aja, ha FM katu omyasãi mba’epu ha ambue marandu arandupy rehegua.

Agencia de Información Paraguaya IP guive, roñomoirũ romomaitei mayma irũnguéra omba’apóva ára ha ára omomarandu porã hag̃ua mayma tetãyguápe umi mba’e ko’ágãgua ñane retãme ha tetã ambuegua.