Itauguá oreko servicio de transporte público pyahu

Umi tapicha oikóva Hugua Poti, Yvyraty y Cañadita-pe, táva Itauguá rehegua, ovy’a hína oreko ramo haguére servicio de transporte público ipyahúva. Kóva ojejapo Viceministro de Transporte ojerureva’ekue rupi.

Pe guerova ojapóva línea 165 ha omotenondéva Ñandutí S.R.L, tuicha mba’e umi oikóva upérupi, ikatu hag̃uaicha oñeguahẽ pya’e ha hepy’ỹva ambue tendápe.

Viceministro Transporte rehegua, Emiliano R. Fernández ha umi omba’apóva hendive, oho kuri ohecha hag̃ua mba’éichapa oĩ. Upéi, he’i: «Ymave ndorekói hikuái servicio de transporte público. Ko’ã árape tapichakuéra osẽ hógagui ha oho directamente imba’apohápe, ha ikatu avei ojapo transbordo sin costo. Upéva ha’e integración tarifaria«.

Ko itineratio pyahu ombojeroviauka umi itagueño pya’eve og̃uahẽ hikuái ambue tendápe. Dionisia Quintana Díaz, oipurúva ko línea, he’i kuri: «Iporãiterei ningo oike koʼápe pe ómnibus, ideprovécho rupi enterovépe. Ára ha ára aha che rembiapohápe ha’eva Lambaré gotyo ha ko línea okonvenieterei chéve aike jave ko’ápe. Avy’aiterei».

Oñemoporãve jeike ha mba’eporã tetãyguakuérape g̃uarã
Empresa de transporte Ñandutí S.R.L.-pe g̃uarã, omotenondéva Rolando Isasi, ko mba’e pyahu ombohovái demanda comunitaria: «Rome’ẽ ko servicio pyahu 400 tapicha oipurúva mayma ára ha ndorekóiva kuri servicio directo«, ohechakuaa.

Ko servicio, oautorisáva resolución No 79/2024, oreko avei integración operativa línea 165 línea 27 ndive, ohejávatapichakuéra ojapo transbordo sin costo adicional ha sincronización hora pico jave.

Ko cobertura pyahu tuicha mba’e usuario-kuérape g̃uarã, ohecháva pe ñe’ẽme’ẽ orekóva Viceministerio de Transporte omohenda porãvo condición de vida orekóva. Ko iniciativa rupi, oñeha’ãrõ oipytyvõ 2.000 familia-gui ára ha ára, omombaretévo estructura transporte público iporãva ha hasy’ỹva opavavépe g̃uarã.